علق الفنان أحمد السقا على انتقال عدد كبير من لاعبي الزمالك إلى الأهلي، خاصة بعد أنباء انتقال زيزو للأهلي ،قائلًا إن مباريات القمة بين الفريقين لم تعد كما كانت.
وتابع خلال برنامج "الحكاية" مع الإعلامي عمرو أديب خلال استضافة أبطال مسلسل العتاولة 2: الزملكاوية عمرهم ما هيزعلوا، لأن الزمالك بقى بيلاعب الزمالك.
وقال ،" لو الأهلي كسب، الزملكاوية هيفرحوا، ولو الزمالك كسب برضه هيفرحوا... هنعتبر أي ماتش بين الأهلي والزمالك تقسيمة مدعّمة ببعض اللاعبين الشباب، لأن اللي بيلعبوا هنا كانوا بيلعبوا هناك"
وكان الإعلامي عمرو أديب، قد وجه رسالة للنادي الأهلي وعلق على إعلان نادي الزمالك نهاية علاقته مع اللاعب أحمد مصطفى زيزو، بعد أنباء عن توقيعه للنادي الأهلي.
وتابع خلال برنامجه " الحكاية " قائلا،" زيزو راح النادي الأهلي خلاص ربنا معاه وربنا يسهل له، يلعب وياخد فلوس ويعمل تاريخ.. أرجو من إدارة الزمالك... اقفلو ملف زيزو، الأهلي عمل الدوشة دي عشان ننسى إنه انسحب من الدوري والأهلي هيلعب بكره عادي جدا، ومحدش فاكر إن الأهلي قال مش هلعب عشان الحكام مش أجانب. بعد اللي الأهلي عمله مع زيزو محدش يقولي الأهلي نادي المبادئ".
وتابع: زيزو طالع يقولنا اللي عنده ورقة انا موقعها يطلعها… نطلعها ازاي ده في بيت كابتن محمود الخطيب. نص فرقة الأهلي بقت من الزمالك… ايه الاستسهال ده؟ الزمالك مش مركز تفريخ لاعبي للأهلي.
وقال عمرو أديب: خدوا الزمالك كله بحسين لبيب، مش دي القضية، لكن اللي مضايقنا من زيزو فكرة اللوع، والأهلي ضحك علينا".
وأشار إلى أن زيزو مسئول عن اختياره ومن حق أن يبحث عن المال، متابعًا: "مش عيب إن زيزو اختار الفلوس ومش عيب إن أبوه اختار الفلوس لكن العيب هو الناس متاخدش حقها".
0 تعليق