حذر أحد المواطنين، من التعامل مع طبيب شهير لعلاج الالام ، بعد تجربته الشخصية معه، مستعرضاً تفاصيل الواقعة، موضحًا، أن الطبيب هو ارميا شفيق.

وقال صاحب الشكوي مستعرضاً مشكلته عبر مواقع التواصل الإجتماعي لتحذير المواطنين،" محدش يغلط غلطتي! رحت لعيادة أحد الأطباء المشهورين في مجال علاج الألم، وللأسف كانت تجربة سيئة جدًا بكل المقاييس.. الكشف عنده بـ 800 جنيه، والدفع لازم يكون مقدمًا عن طريق إنستا باي قبل الموعد بأسبوع، ولو ظروفك منعتك من الحضور، راحت عليك الفلوس!.. لما رحت العيادة، دخلوني على المساعدين اللي كشفوا عليا، وبدل ما يركزوا على المشكلة اللي عندي في كوعي الواحد، طلبوا مني أشعة رنين على رقبتي بدون أي مبرر! رغم إني أكدت ليهم إن مشكلتي في كوعي بس، ومفيش أي ألم في رقبتي!".

وتابع،"هنا بدأت المعاناة! لما سألتهم ليه الأشعة على الرقبة، قالوا "اعملها وتعالى للدكتور" كأنها إجراء إجباري، فنزلت دفعت 2100 جنيه عشان أعملها، وأنا متأكد إنها ملهاش أي علاقة بمشكلتي! دخلت للدكتور، وكانت الصدمة إنه حرفيًا مدانيش فرصة أتكلم! قاعد بأسلوب غير مهتم نهائيًا، وبدون أي كشف فعلي، بص على الأشعة وقال لي عندك تقلصات! أنا بقوله المشكلة في كوعي، وهو مصرّ على تشخيصه! كأن كل المرضى عنده عندهم نفس المشكلة بالضبط!".

واستطرد،" علاج مش منطقي! بدل ما يناقش حالتي، كتبلي روشتة طويلة مليانة أدوية بتكلفة 3000 جنيه! أنا أصلاً مش محتاجها!والأغرب؟ حتى اسم دواء مكتوب غلط في الروشتة!".

واستكمل،" النتيجة؟خرجت من عنده خسران حوالي 6000 جنيه على كشف، وأشعة، وعلاج طبيعي في مكان مش مناسب أصلاً! وطبعًا العلاج الطبيعي ماعملش أي فرق، لأن التشخيص من الأساس كان خاطئ تمامًا! ومع ذلك كملت التجربة للآخر، عشان لما حد يسألني أقدر أرد عليه! والنتيجة كانت صفر فائدة! كوعي لسه بيوجعني، ويمكن بقى أسوأ، لأن التشخيص من البداية كان غير دقيق! هو مش بس بياخد منك فلوسك، لا، كمان المتابعة فيها مشاكل .. حجزت متابعة، ولما جيت أكمل، لقيت إنه مش بيقبل الحجز ومحدش بيرد!.. والمتابعة المفروض مجانية خلال شهر ونص، وبعدها بـ 400 جنيه، لكنه قفل كل الطرق عليا!

واختتم مشكلته قائلا،" اللي عاوز أقولهماتنخدعش بالكلام المنمق والإعلانات الممولة اللي بتلمع في صورته! التجربة كانت غير مرضية، واستغلال واضح، وفلوسي راحت على الفاضي! خلي بالك، ومتقعش في نفس الفخ!".

وتفاعل معه عدد كبير من المتابعين ومنهم من قال،" ادويه متشابه جدا   مش بتتصرف مع بعض واضح انه ديلر شركات دا غير  Conventin300 دا لوحده اثاره الجانبيه صعبه والمفروض مش بنلجأ ليه مرحله أولي 
انصحك توفقه حالا وتشوف دكتور عظام.