"جوزي بيأكل البطيخ بإيده، وبيطلع صوت يخلي الواحد يفقد أعصابه وأنا خلاص مش طايقة العيشة معاه!".. بهذه الكلمات وقفت زوجة عشرينية تبرر إقامة دعوى خلع ضد زوجها أمام محكمة الأسرة، مؤكدة أنها حاولت كثيرا تنبيهه بأن ده مش من آداب المائدة لكنه كان دايمًا يرد عليها: "كل الناس بتاكل البطيخ كده.. مالك انتي؟" حتى وصلت لنهاية المطاف بعدما أدركت استحالة العيش مع زوجها.

إقامة دعوى خلع

وقفت زوجة عشرينية أمام محكمة الأسرة بمدينة نصر، ووجهها لا يخفى عليه ملامح الغضب والاشمئزاز، لتروي واحدة من أغرب قضايا الخلع في مصر: تزوجت من مهندس منذ عام واحد فقط في البداية كانت حياتها الزوجية مستقرة، تحولت مع الحياة بعد دخول موسم الصيف.. واشترى زوجي لنا البطيخ لكني فوجئت به يأكل البطيخ بطريقة غريبة.

وأضافت: زوجي كان يغمس إيده جوه الطبق وبيأكل كأنه في معركة، وكل ده بصوت عالي يقطع النفس"، على حد قولها، متابعة: حاولت تنبيهه، كلمته، وضّحت لّه إن ده مش من آداب المائدة، لكنه كان دايمًا يرد: "كل الناس بتاكل البطيخ كده.. مالك انتي؟"

وبحسب المحامية نهى الجندي: الخناقة كبرت بين الزوجين، والكلام اشتد بينهما، والشد انتهى بصفعة على وجهها، ففي هذه اللحظة عرفت الزوجة أن مفيش أمل.. لا في ذوق ولا في احترام، وقبل ذلك حاولت الزوجة تقبل تصرفات زوجها، لكنها فشلت خصوصًا مع الأصوات التي تخرج منه أثناء الأكل، والتي كانت - على حد وصفها - "أسوأ من أي إنذار خطر".

وذكرت المحامية أن الزوج قال إن "الموضوع تافه"، لكن الزوجة شايفة إن التفاهة دي خربت حياتها، وفي النهاية، تقدمت الزوجة بدعوى خلع رسمية أمام محكمة الأسرة، وقالت إنها مش هتقدر تكمل يوم واحد تاني معاه، والسبب المعلن قدام القاضي كان واضح وصريح: "جوزي بيأكل البطيخ بطريقة مقززة.. وأنا خلاص مش طايقة!"

وأكدت المحامية نهى الجندي أن القضية تم تسجيلها رسميًا بمحكمة الأسرة، وفي انتظار الحكم.. أما الجوازة البطيخ وضع المسمار الأخير في نعشها.